فوائد واضرار الهاتف المحمول
أهلا وسهلا بيكم فى موضوع جديد من اجياد كوم
المحمول بقي جزء من حياتنا اليومية مين فينا ما بيستخدمش الموبايل كل يوم
الاجابة ممكن تكون صادمة شوية ؟
وده بياخدنا لنقطة اهمية معرفة فوايد اواضرار الموبايل لاستخدامه استخدام امن
ايه هيا فوايد الموبايل ؟
الموبايل ليه فوايد كتير فى حياتنا اليومية واهمها
1- بيديلك امكانية انك تفضل متصل بكل اللى حواليك دايما
الاب على تواصل مع ولاده والام مع ولادها وبناتها وهكذا
والتواصل مش بيقتصر بس على اللي فى الحيز الجغرافي اللى انت متواجد فيه بل بيمتد لاميل
الموبايل تقدر من خلاله انك تدير شغلك من أى مكان حتي من غير ما تضطر انك تروح الشغل
2- كمان ما ننساش دور الموبايل فى التعليم ففي كتير من التطبيقات اللي بتساعد ولادنا فى تعليمهم ودراستهم
3- الألعاب والترفيه من اهم وسائل قضاء وقت ممتع على الموبايل وده بيتطلب مراقبة الابوين للولاد اطول
فترة ممكنة عشان يتابعوا استخدامهم للموبايل لحظة بلحظة وده بيساعد عليه خاصية التتبع اللى موجودة فى اغلب الموبايلات الذكية دلوقتي
واللى بتيح ليك معرفة مكان ولادك دلوقتي عشان تكون متطمن عليهم دايما
4- معرفة مواقيت الصلاة وده من خلال تطبيقات مواقيت الصلاة الموجودة علي الهواتف
5- حفظ الملفات، فى خاصية مهمة موجودة فى الموبايلات وهي إمكانية حفظ الملفات والصور ومقاطع الفيديو،
وده بيخلى المستخدم يقدر يوصل للملفات بسهولة وسرعة من خلال المكان المحفوظة عليه علي الهاتف .
6- تسهيل العمليات الحسابية زي الجمع والطرح والضرب والقسمة واللى ممكن تكون مفيدة فى المؤسسات التجارية
طيب دلوقتي احنا عرفنا فوايده ايه هيا بقي اضراره ؟؟؟
فى الحقيقة يا صديقي اضراره كتير بس خليك متفائل لانك ممكن تقلل منها علي قد ما تقدر
1- أضرار الاشعاعات الشبكية اللى بتسببها الاقمار الصناعية واللى بيكون ليها تأثير حراري بيسبب ارتفاع درجة حرارة الجسم.
2- كتر استخدام الموبايل ممكن يوصل المستخدم لمرحلة ادمان وهو انه مبيبقاش قادر يقلل استخدامه وده له اثر سلبي طبعا
3-بيقلل من التواصل الفعال بين الناس وبعضها وده ممكن التغلب عليه بتقليل الوقت الضائع امام الهاتف
وفى النهاية عايزين نقول ان المحمول زي اي سلاح ذو حدين ممكن التقليل من اضراره بتقليل الاستخدام اليومي وتحقيق اقصى استفادة من خلال استخدامه الاستخدام النافع والامن
ليست هناك تعليقات:
إرسال تعليق